Uff zinstag vor Lucie

min heren actun zun

Barfussen

Zwischen Hoptman Hunggeler

und Pauli Leistmacher

Demnach Hunggeler sich erclagt, wie kurtz

vergangner tagen er gegen Pauli och vor

unns erschinen da Pauli inn anzogen umb

etwas so er im by söllden schuldig wär

und unnder anndrer handlung und wernl (?)

habe Paule vor uns offenlich geredt, zu im dem

Hunggler, er sig schuldig das die schlacht verloren

und ettlich iro zu boütz, und wenn er red

deüst (?), so welt er wol me wüssen zereden

daruf er im geantwurt er söll und mög

sich niemer erfinden, darumb so die hern

im sin glimpf und er berüerend, so begert

er, das er söllich red as im thürg, und offenlich

(2)

hanns (?) sorg was er von im wüsse, dann

er nünt von im könn wol denn als von

eim biderman, sig och nit schuldig an der schlacht

begert, im zerichten nach unnser statt recht,

dess solds halb habe er mit im gerechnet, sig

im nünt by dem fünften sold schuldig, aber

der sechste sold sie im noch nit vom heren

worden, hab ums gelt daruff entlehen unnd

den knechten daruff gelichen, und im Pauli

v kronen uff den sechsten sold geben, und

wann der her im zal well er Paulin och

wol zalen.

Daruff Pauli antwurt er habe etwan vor

ouch mit Hunggeler gut meinung geredt

in sinem hus wann er und annder hoptlüt

gut sorg gehept hetten, so wär villicht inen

die schand zu Bavii nit begebnet, und habe

zum nechsten och nit anderst geredt, dann wen (?)

er und ander hoptlüt gut und besser sorg

gehept, so hetten sy die schlacht nit verloren

und vermeint er habe Hunggeler mit dem nünt

zugeredt, dann vor söllichs von hoptlüten

vil geredt worden sig, des solds halb

vermeint er, der Hunggeler sölt im den sechsten

sold ouch abrechnen, und ob er im nit vom heren

worden so sig niemand schuldig dann der hoptman

darzu hab er im ein kronen an ein kleid ver-

heissen, begert das er im usrichte, ??

(fehlt da eine Seite?)