Uff monntag nach letare

A° 28°

Zwischen hoptman Steinibach

gegen Peter Widmer gösst

und Hanns Schwendiman

Ist erkennt das die dry söllen dem hoptman

Steinibach widergeben hie zwischen sannt

johanns tag nechst namlich ieder x kronen

doch sol den dryen vorbehallten sin, wo sy

mögen anzögen und an tag bringen das sy

ettlich gellt den knechten usgeben habind

das dem hoptman an sin nutz komen sig

und der hoptman den knechten wider abzogen

hab, das söllichs inen dryen einem ieden

sovil dass ist an den x kronen, abgan

sol unnd sol ieder sin costen an im selbs

han unnd wo ouch die dry gellt ussgeben

hetten so dem hoptman nit an sin nutz komen

und nit wider worden wär, do sol den

dryen gegen den selben ir recht ouch

vorbehallten sind.