(...)

(3)

(...)

Zum 5 dass man die so handtwerck glernet, sonder-

lich die iungen burger die ettwan nach die leeriahr

nitt gar uss beharret, oder sonst nitt wandelen wellendt

nitt allso den nächsten meister werden lasse, wie dann

beschicht zuo ihr selbs grossen schaden, unnd verderben,

sondern kheinen allso ynsizen sich verhyraten, unnd meister

werden lasse, er habe dann sin handtwerck recht

ussgelärnet daruff gewandlet, und erfahren, ouch nach

handtwercks bruch und ordnung sin prob, und meisterstuck

erzeigt, unnd habe mitell dass er sich mitt wyb und

kinden zuo erneeren wüsse, und dasselbig alles vor der

oberkheitt gnuogsam bezügt, oder dass er zuo ehr (?)

allwäg ein guotter redlicher frommer arbeiter gwasen.

Unnd demnacht ob man glych einen solchen allso zuoliesse uff

(4)

sy gemerckt werden, damitt wo sy liederlich sin wolten

man ynsähen thuon khonte by guotter zytt ee dass sy in

die armuott gerietten.

Zum 6. diewyll die vyle der frömbden usslandischen

kriegen, unns ouch vyl armer liederlicher und verdorbner

lüten machent, ouch vyl umb ringer (?) ursachen willen

ettwan dahin zühent, die daheim wol mitell hettend

sich und die ihren zuo erhalten lassend aber wyb

unnd kind daheim inn grossem mangell sizen, zuo

grosser beschwärdt der oberkheitt, unnd dess gmeinen

mans, da soll man fürhin kheinen allso hin zereiss zihen

lassen er habe dann zuovor wyb unnd kind ir

underhalltung versorgt, unnd allso eintweders wer dz

nitt thuon welt daheim blyben, unnd wyb, unnd kind

anderstwohin ussert unser statt und landschafft ver-

schaffen.

(...)

(10)

(...)

Es sollend ouch unser g h den müessiggang kheinem

gstatten, der nitt von sinen zinsen gwirb und arbeitt

zeläben habe, die iungen burger gheissen werden

ihren handtwercken gewirb und begangenschafft obligen

dass täglich spilen zächen und gassenschlungen verbietten

allso ouch den tawnern, unnd wärcklütten item

der kriegslüten so sy uss den kriegen heimkhommendt

ihres guots, unnd fürschlags, ouch werckens arbeitens,

unnd weybens halb gebürend ynsähen, unnd verord-

nung thuon, damitt man allso dem bettell so vil

immer möglich bevohr khommen möge.

(...)