Kundschaft von des Risen

wegen, ufgnomen uf

Sebastiani Anno 1591

Elsbeth Glintz züget, der Ris sye, sampt

andern, so ihren unbekant, einmal etlich zuo

Mathisen ihrem man ins hus komen, und

beten, sölle mit ihnen in die stat, wellen

die houptlüt umb den sold anreden, daruf

Mathis gret, sie ietz etlich mahl bin houptlüten

gsin, söllen ouch einmal inhin lauffen, hin

wider Riss, er kenne die houptlüt, dörf mit

ihnen reden, wan ihnen das gelt wert,

wellents ihm etwas zu gutem erfolgen lassen,

das aber er Riss, oder andere einich tröwwort uss-

gossen, hab sy nit ghört. Hiemit ihr sag bschlos-

sen. Act ut supra in bysin h Amman Mar-

tin Hertzog, Aman Melchior Schuffelbül, Anthon

Unrath, und Heinrich Saleti.