Uff hütt hand M.G.H. angesächen und in die Empten schry-
ben lassen nach dem dann sy in disen ietzigen kriegs-
zug uff Bäp(r) H(te) begären auch wie andere catholische ortt
bewilliget und kurtzlich auch hinuss gschriben und gebotten
das keiner zu keinem frömbden hauptman dingen
sölltte, über solliches aber ettliche ungehorsam, und under
anderm schyn an andere oftt gan dingen lauffet, da
dann M.G.H. nachmallen mengklichen gebotten haben
wöllent das keiner zuo andern dann zuo den
hieigen hauptlüten dingen, und ob ettlich schon gedinget
widerumb absagen sölle by verlierung lybs und guotts.