Hochgeachte herren, diewill die zit dass u h kriegsvolck soll

anzüchen, ir h(t) zuo dienst, sich nachet, wirden ich von

villen orten verstendiget, dass u h hauptlüt, nit betracht-

ende die capitulation, welche sy mit mir uff und angno-

mmen, vill landzknecht unnder ire fendin annemen

unnd diewill ich innen ir bestallung desto besser

mit anderen villfeltigen glägenheiten gmachet allein

der ursach wägen dassy khein ander knecht dan

Eydtgnossen annemmen, vermeinnend vilichter (?), sy

werden innen, von wägen etlicher usreden, uff der

musterung gut macht wärden. Zuo B(r) h(t) dienst

werdt nit vill (???) daran ligen, die ienigen all uff

der musterung cassieren, dan die zit nach nit ver-

loffen dass man ime nit mögen vorkhommen.

Ich aber, der so iffrig bin u h lob eher unnd

reputation, mit sampt dem eydtgnossischen nammen

zuo erhalten, habe sy dessen wellen erinernn

damit sy nach iren gwonlichen weisheit dem allen

vorkhommend, dass man auch vilfeltige fäler, welche

dan, wie u h woll bewüst, uss der vermischung

viller nationen entsprungen, unnd will rumors

zwuschen (?) den Eydtgnossen selbst gmacht hand. Es

sind auch andere kriegsknecht nit so thrui innen nit

notwendig sechen für zuosachen, wie die Eydtgnossen.

Bin ungezwifflett, ess werden u h diss alles

(2)

wie ess dan beschicht, verstan unnd uffnemmen

unnd disem allen fürsächen, dan man den 10

diss manets wirdt müsen anzüchen, dess ich u h

hauptlüt by guter zit will admonieren.

Thun mich hiemit u h gutwillig entbeten innen

von Got dem almechtigen, vill glück und heill

wünschende. Datum zuo Altoff den 4 juni

im 1591

u h

underthänigister diener uss bevelch

ir hoch f g

Nicolaus Schlegel