Zwüschen Jacob Stoffel an i So danne

M Jörg Forer am 2.

Ist erkenntt, namlichen wover Jacob Stoffel M. Jörg Forer umb sin ansprach zeigen und

örgen (?) das er dess synen sicher und wüssen möge wo er mittler zyth das sin mitt samptt dem zins

haben und nemen, sölle das verpott gegen haupttman Fleckenstein uffgethan sin und ihme Jacob Stoffel

sin eeren sölld gevolgen, wo er aber inne nit versichern kan, soll Jörg Forer by der vor-

schrybung im gerichtssbuch blyben, sonst soll er by der urtheill, wie die hievor zwüschen

haupttman Fleckenstein und Jacob Stoffel ergangen nachmalen blyben, allso das er inne umb die

4 monatt eerensölld usswysen und zalen sölle.

(2)

Zwüschen Jörg Furer 1, so dann

Jacob Stoffel 2.

Ist erkennt das Jörg Furer den güllttbrieff

hinder dem richter dannen nemen unnd vergandten

lassen, umb wölliche summa er im alls dann

vorstat und vergraat, soll ime der brieff blyben

unnd umb die übrige summa er Jörg Furer

uff sin Jacob Stoffels noch usstenden kriegs-

besoldungen, versichert syn und blyben.