Es hat Hans Ullrich Schenck zu Paris sollen für malefitz

gstellt wärden, von wägen der ehr verletzlichen wortten

die er wider unsre ehrliche oberkheitten andersits, so wol alls

wider all die so in vergangeb dumainischen zug gezogen

gethriben und geredt hat, uff solchs hat er ein supplication

ab die houptlüt und mich gestellt, mir üch antworten lassen

sich mechtig entschuldiget und wöllen langen, ist aber

nach diser auf kuntschafft ingnon worden, wie dan denen so es

bevolen gsin gutt bricht wüssent zgan, und vielfaltig uff

gmelten Schencken mag bezügt werden, dz er sollche unwarschafte

reden wie obgmellt gethriben, ist nieman erwunden dan

allein so man nit glich hernach hat müessen uffbrechn und hinweg

züchen, so wär man mit dem rächt für gfaren, mit im und

druss ervottget (?) wäre, dz khan ein hochwisse oberkheit wol

erwgen, sovil ist mir zwüssen.

Rudollph Pfiffer