Hoch...

[Dank an die Obrigkeit, sie soll behilflich sein mit einem

Schreiben...] an die herren vonn der statt und landt Dision

darmit sy uns vonn unseren usstenden soldt und

ersten bezallendt wie sy dan uns verheissen und ver-

sprochen handt vor einem iar. Sy handt auch unss noch

mallen, im kürchen verschinen thagenn, versprochen

und verheissen uns zuo frydenzestellen. Dan es hatt

eüer gethrüer underthaniger burger h Jost Knab by

knecher verschyner thagen von herzog von dumayen brieff und

sigell ussbracht das uns die herren von Disyon um

unsery alle ansprach sollent vermnüegen und bezallen.

Es hatt auch der herzog von Dumayne selps vermeint

mier sollent schon bezallt sinn dan h Jost Knab ist

mitt herren von Lamoutten inn unser beider namen by

herzog vonn du Mayne gesyn der hatt brieff ussbracht

wie ir g h u f alhie ein koppyen finden werden.

Dem nach so ist unser gantz früntlichen bitt an eüch gh u f

wellent sowoll thoun und nochmallen den herren der statt

und lantz Dysyon zuschryben, dz sy uns um unseren

(2)

ustanden resten bezallent nach lütt dess herzog von

Dumaynes brieff und sigell und noch lutt irern

verheissung so sy auch selber gethon habent dan eürs

g h u f schriben uns gar woll hälffen wirdt miet betent

eüch g h u f ir wellent zu best thon, dar mit mier uns by euch

doheimen und unsery gouty kriegslütt by uns ver-

nüegen und bezallen konent. Wier batten euch g h u f

ier wellent unss alle zitt lasen beffollen sin wie noch biss

har mier wellent all zitt unser best thon und eüch

g h u f unsery gehorsamkent erzeigen...

[Jost Knab und Gladi Studer]