Zinstags nach invocacit anno 1591

Verschreib sich Verena Spöri innamen ihres eemans Gladi Schmidtte so ietziger

zyth zu Lyon gegen dem fürnemen herren Lux Iselin zu Basel namlichen

umb nüntzig und achtt gutt gulldin dry und zwenntzig schilling unnd vier

pfennig der statt Basel wärung, dieselbigen hatt sy ihme geloptt unnd versprochen

uff zinnstag nach invocavitt anno 1592, innamen bemelltts ihro eemanns

mitt samptt gebürenden zins und one allen sinen costen und schaden zuerleggen

zunnd zubetzalen, unnd darumb so hatt sy ihme pfandttbar gemacht und zu-

gesetztt, bemellttes ihres eemanns hus und hoffstatt inn der mindern (?) statt Lucern

an der Rüssgassen gelegen stost einthalb an Caspar Krumholtzen hus, und andersitts an

Hanns Ieders hus, statt hievor daruff 5 g gälltts h hauptman Niclaus Bircher

unnd 5 der spennd zu Lucern, dennach ledig eigen.