Zinstags vor Jacobi A 1591 ist

Hanns Sutter genannt Eichelman

von Muri pürttig umb und von wegen

das er ettliche mallen den ietzigen

h hauptlütten gelltt abgnomen

und nie hinweg zogen in m g h

gfangenschafft komen unnd vollgen-

den bscheid geben.

Namlich alls er zum ersten maal

under den hauptman Sonnenberg

gedinget und mitt sinen kriegslütten

hinweg gwöllen sy er ein achslen

ussgfallen allso das er nitt genigen

und ettlich wuchen allhie blyben müessen.

Lettstlich alls inn der Rebach

gedinget habe er sich dess

schiffs versumpt unnd sich in ein

kleinen schifflin nacher füren

lassen wöllen, das aber nitt gsin

mögen, sonder habent inne die sel-

bigen widerumb hinderisch gfüert.

Daruff er über land uff Brunnen

zu gwöllen, der Rebach habe aber

inne nitt gan lassen wöllen. Alls

inne nun die andern gesächen habent

sy in gfangenschafft lege lassen

nitt minder sye dann dz er schulld

daran trage das er sich dess schiffs

versumpt

(2)

Bittet m g h wöllent inne usslassen

wölle er demnächsten nacher zu inen uff

den musterplatz züchen.

Ist uff ein gewonnt urfeechd ussglassen soll

sich diser sachen müessigen dann wo er

meer komen wurdent m g h inne

höchlich straffen.