Rahtschlag des gsesnen landrahts und der landlüten der verarrestierten

und gfangen ?ayetansichen h und unser obersten und

houptlüten des dumaynischen regiements wegen.

Uff sontag Reminiscere A° 1592

[...]

Sovill der abscheidt zuo Lucern ufgangen belangt das in ordten, etlich lüt sigen so dem von

Novarra zum besten reden iedes ordt by sinen abschaffung thuon solle, wirdt noch

ist by uns nüt ghört worden, ob aber etwas ghört wurde wellen min h ouch

insechen und ordnung schaffen. Soll unser gsandter uffem tag by den übrigen ordten

anzeigen.

(2)

nochmahlen diewyll ein iesuiten ein hochgelerter man sich gan Rom anderer siner

geschäfften halben zuverfüegen vorhabens ihr ht wider umb fründtlichen und ernst

lichen zeschryben und supplicieren und ein ludtere antwort von ihro ob man

disere gfangne ledig liesse begären, ob doch ihr ht verspreche zu zahlen old

nit dan in diserm ihr ht schryben sy dhein ludtere versprechung verstan noch

finden khönnen, dan allein wo ihr ht rächt dhänne verständiget und erkhendt

werden das inen da etwas vom heyligen stuoll old den cayetanen ver

sprochen worden und ihro ansprachen rechtmessig sige welle sy verschaffen

zaldt werden müessen, disere erst rechterkhenung ihrs ersorgens woll

niement beschächen möchte und sy als dan ihre zallungen allso bisdar usstend

ig stan sin und blyben müessen. Ob aber min he gnugsam dunckhen welle

an sölcher versprechung und das sy sölche fürgeschlagne mittel annemen

old was beser gstaldten zu ihro zallungen zekhomen man inen wie bishar

gnediglich welle verhillfflich und rächtslich sin gebetten alles der lenge

nach verstanden, darüber min h sich aller notthurfft nach gstaldtsame

dersachen, er innert und ihrs guldunckhers erledtert das sy betunckhte sy

disere cayetanischen h ledig lassen und ettlich ehrenlüt mit geschrifften

mit diseren cayetanen gan Rom schicken und ihr h zuverstan gäben

das sy disere paetanen (?) uff ihro ht fründtlich schryben und begären und

ihro annerpietten ledig glassen. Nun verseche man sich und verhoffe

ihr ht sy umb ihro zallungen und ansprachen die vor idermenglich dhönne

möge und müesse uffrächt und rächtmessig erdhendt werden zallen old

zu zahlen verschaffen und ordinieret werde, wo nit werde man nach

mitlen sechen und thrachten was gstaldt und maassen man unseren öbersten

und houptlüten zu ihro zallungen verhelffen dhönne und möge des man

doch lieber überhebt sin weldte, und was wydters von den übrigen ordt

inen zu ihro zallungen fürderlich, zuschryben old sunsten an die handt zenemen

thunlich, soll unser gsandter zetagen, mit mehrtheylls ordten thun und lassen

rahten und verhelffen, wo aber endtlich die houptlüt disere cayetanen

ledig zlassen an ihro zallungen mehr zu nachtheyll und hinderung dan zu

gutten und fürderung gereychen und sy bis uff wydtere erlütterung und

antwort ihr ht uff zeenthaldten vermeynen wellen, so soll alls dan inen

ouch ernstlich anzeigt und mit inen gredt werden was uns ursachen halben

söllichs bedunckhe. Diewyll inen söllich arrest allein uffrächtwilget

worden das bishar nit statt noch ardfunden (?) und diseren cayetanen verlangen

mögen, derwegen wo sy diere ihr ht fürgeschlagne mittell nit anemen weldten,

wurden unsere h die hochen oberkheidt nit für dhönnen inen ein unparthysch

(3)

rächt ergan zelassen, was nun sollichs sich erdhennen sy disere cayetanen für ihro vett

eren den partinahlen, diewyll sy nüt versprochen zuzahlen heyssen old nit

sy lichtlich selb ermässen mögen. Ob dan so sy mit rächt ledig bekhendt söldten, werden

selbigs gägen irh ht und anderen und ob söllichs zu gnedigem old zu widerwillen

gereychen und was sy hievor nemen und darus verstan wurden ouch dan selbigs

zu ihro zallungen fürderlich od nachtheylig will man inen selb zuvedenckhen heim

gsetzt haben.