Alls dann hauptman Hans Pfyffer sälig wyland fl. dt von

Savoy gwardi hauptman der eydgnossen in Thurin dienstag

gstorben und ein ansähenliche summa von syner verdienten besoldung

ime uff dem fürsten noch usstendig dessen er ettliche monat lang

uffgehallten worden und nit zu zalung kommen mögen, und

die zalung auch noch bis uff dise stund nit ervolgt, wie

dann syn vatter und verwandten solches Mgh klagt und

umb hillff und rhat gebetten, hand Mgh angsehen und

bewilliget dem fürte oder synem statthallter ernstlich zeschryben

und umb zahlung anzehallten mitt dem anhang wo solche zalung

sampt dem kosten dem botten den sy schicken werden bis uff jetzige

ostern nitt zallt werden sy gegen ir fl dht das marchrecht

bruchen und dasselbig lutt der pundtnuss zu Bellentz üben

und uff den ersten may nächstkünfftig anfahen, dess komment

Mgh inen nit versyn, sol auch daby gemeldet werden

das bedurfen und verwundern so Mgh habent ab sölichem

uffzühen und unbillicheit so gegen ime gwardi hauptman sälig

gebrucht worden.