Hochgeachte gebiettende herren unnd vättern. Ich kan nitt

fürkomen e st e w uff das wenigst mitt disem zuobemuehen (?)

min geringen schuldigen dienst anzuobietten undt darby zuobe-

richten, wie das ich bisshar, nach dem ich alhie, disen dienst

alhie von ir durch(t) angnomen, den knechten die ordinantzen vor-

glesen. und mir wie billich sy than zuo schweeren, von inen

der knechten irer alle billiche dienst, ehr unnd ghorsamkeit

Got lob gespürt, hoff ouch sy die gselsch(t) also mit hilff

ewer miner g h und vätteren, fürthin wytter in guoter

ruow regiment und eynigkheit zuo erhalten. Insonders

syl ich von ir durch(t) minem gnädigsten herren. sovil ehr,

fründsch(t) und guoten willen gespürt, und gebent anderem

mir umb mine monatliche gemeine besoldungen, iez (?) von nüwem

ein asignation, uff dem zol zuo Ast verordneth, dass also wir iezunder

durch mitel eines kouffmans alle monath feyn gemustertth

und bezalt werden, welches gunst und fründtlichen willens,

ich woll erkenne, wir allein von ewer miner g hern und vättern

geniesen, dan gwisslich ir durchlüchtigkeith, dermassen so

guotherzig gegen unser nattion, wol wüssende wie ir mine g

herren es ie und allerzytth gegen hochloblicher gedechtnuss, sinem

vattern selig, und ietz gegen ime, so trüwlich gemeint, ouch mit

den werckhen ehrlich erzeigt unnd nit unbillich, vor ir durch(t) ir

ewiger gedechtnus bliben soll unnd wirdt.

Verschiner tagen hab ich gsechen wie das ir mine g herren ein scharpffes

schryben an ir durch(t) gettan, umb die penzyon so im uber (?) diss verschinen

91 iars verfallen anhaltende, kan man alhie zwar wol erachten

das man solche ewer st e w langest hatte zuoschicken sollen,

wie ich dan wol weyss von ir duch(t) schon langest gebotten und verordnet

gsin, und zuo merer zügnhnus, zwen tag darfor ein schryben gsechen

das ir durch(t) die fürstyn, den cont Martirengta, von nüwem mit

allem erst gebütt, dass solchen iro schon vor verordnetten gebotten

die penzyon zuoschicken, enttlich statt und nachkomen werde, welches

(2)

gwüsslich nit lang anston sonder fryderlich beschechen würdt,

und aber gantz hocherend herren und vättern ist sich nit zuo ver-

wundern, wyl der fürst ietz mit sovil schweren kriegen beladen

also im Burgundt, Sapfoy, Pemundt, und Provintzen, welche

zuo zytten kriegen gnuog gsin weren zuo fueren, und warlich uns

den cattolischen, an solchen kriegen nit wenig glegen, dan die

delffinatisch heresy, oder irthumb, schon allenthalben angfangen

har werz den gepirgen umb sich zuo treffen, und den fuoss in Italian

zuo setzen (etc.)

Heinrich Püntiner, Turin