Sodanne uff obgemelten tag ist Ludi Huber
von Sempach ouch umb diebstals willen, in m g h
gfangenschafft khommen.
...
[diverse Diebstähle]
...
Was belangt dz er h houbtman Schürpffen einen
harnist und gelt abgnommen sye war er wäre
aber gern ouch mit anderen kriegslüten nach
hin zogen eye aber zu Wassen cranck worden
und die regiment von ime so wyt zogen dz
er nit meer nachin mögen khommen sonst habe
ers houptman Schürpfen und dem schryben nachin
entboten wie es umb imme stande möge aber
nit wüssen ob es versorget worden oder nitt
den harnischt aber habe er zu dietwyll ann der
Rüss umb 3 kronen versetzt.
... [weitere Diebstähle und eine Fastheirat]
(2)
Sonst habe er nur ein lange zyt zu Solothurn gearbeitet
und alls er hernach alhaar ins Willisower ampt
khommen, und inne übel gehungeret sye er
obgemeltem puren zu Wyl in dz sin gangen dan er
die thüren offen funden.
[weiterer Diebstahl]
Lettstlichen aber ob er in verschinnen zug in
Franckrych und houptman Schürpfen gedinget
sye er zu vor 7 monat under houptman Wilhelm
Balthasaren zu Lyon gelegen. Und alls
der herr hertzog von Nermaurs (?) eines mals
in die stat geriten, er aber sin büchsen abglassen
und einen weltschen etwas wenig mit dem
papier so er daryn geladen verletzt und der
weltsch darumben uff inne gesetz sye er
grad morndes erwäg zogen und alhaar
khommen glich darnach in 4 wochen under
h houptman Schürpfen in verschinnen fran-
zösischem zug wie obstat gedinget.
Sonsten habe er vormals redlich und ehrlich zu
Willisouw husgehalten unnd wo er arbeit unnd
zu wercken funden, gedienet.
B M G H umb gnad.
Die grosse armut und hunger
habe inne harzu trungen wölle
sich söllichen sachen fürhin gentz-
lichen müessigen und sich alls
ein biderman halten dienen
unnd erneeren.
(3)
[Erneute Befragung]
[Versuchter Diebstahl in Lyon]
...
Item h hauptman Schürpffen den
harnist unnd ein spiess sampt dem
gelltt so sy ime uff die besoldung geben
entragen, ob wol er zu Wassen wol
14 tag kranck gelägen.
Item zu Dision Hanns Boppen ein
gwöör sampt 2 bschlagnen messern [und ein bschlagnen pfriend]
und 6 kr an gelltt genomen, darnach
ime allhie zu Münster ime daran
widerumb ein gwöör und ein tschop-
pen wider geben, aber an die 6 cronen hab er
khein gellt widerumb geben.
sonsten habe er zu Leon kein büchsen
ghan, dann allein habe er gedienet
wie ein anderer gmeiner kriegsman
gedienet.
(4)
[weitere Diebstähle, 3. Befragung (wieder mit Marter),
er gibt noch mehr Diebstähle zu]
(5)
[weitere Diebstähle]
...
Unnd alls er dz gwör unnd gellt zu Dision genomen, habe er sich
nachts an einem seyl über die ringkmuren, heruss gelassen,
und enttrunnen.
Bittet MGH umb gnad,
durch Gottes und unser lieben
frowen willen.
Montags vor Simonis und Juda hand
mgh rääth und hundert über dessen
handel gericht und inne uff die
galeeren schicken lassen. Lutt
raathsbuchs fol.