Unnser fründtlich...

...Uff hütt ist

abermalen vor uns erschinen Hans

Ulrich Schänk unser bysas, und hatt

uns fürbringen lassen, nach dem er

an dem üweren gethrüwen lieben mittrath

houptman Hans von Mettenwyl ein

schuld (luth siner byhanden habenden

handtgschrifft) rächttlichen bezühen müossen

und bezogen habe, wis im dan dessen

brieff und verkhund gäben worden.

Tüoe er ietznuder inred (?) wie das er inn

umb ettwan vil bezalltt und noch mitt

anderen schulden bezahlen welle, dessen

aber er Schänk nitt gichtig ouch gantz und

gar nitt zufriden, sunders vermeint

er sölle im umb das iänig so er

mitt grichtt und rächt bezogen, ussrichten und

bezalen, und so dann er h von Metten-

wyl auch ettwas an in zusprächen (da

er doch hoffe er nütt habe) welle er im

(2)

ouch dess rächten sin. Sodann fare

houptman Balltasser Pfyffer hiezu und

lasse im sölche schuld arrestieren, von

wägen eines gneets (?) so er mitt im vor

ettwas zyts thon haben sölltt dessen

er auch gantz nitt gestendig, sunders ver-

meint er ime Pfyffer ouch nütt schuldig,

wie dann er sin ussred und entschuldigung

sinem schwäger meyster Hans Ulrich Schär-

er der lenge nach zugschriben hab, von

welchem ir sälbige vernomen mögend.

Diewyl nun ime sölcher uffzug und

arest an grossem schaden stande, so wär

sin underdienstlich bitt wir ime mitt

fürgschrifftt gägen üch u g l a e befürder-

sam sin wellten ouch bericht gäben, welcher

gstalltt und mäsen wir die unseren

in ungichtigen ansprachen und wetten

hallten thüoendt. In hoffnung er auch

also ghallten wärden söll. So nun wir

sin bitt angehörtt und nitt unzimlich sin

befunden, habend wir ime gewilfaret

sagend und gekhennend ouch hiemitt

das by unns statt und landträcht also

wan einer angsprochen wirtt und nitt gichtig

ist das der sälbig mitt gricht und rächt

(3)

gichtig gmacht wärden soll, wir lassend

ouch die erlangten und gichtig gmachten anspr-

ehen fort gan, unverhindert den ungichtigen

und von wägen dess wettens, soll bars

gägen barem gsetztt wärden, wo nitt

hällten wir khein rächt darüber. Sölihes

habend wir üch u g l a e uff sin Schänken

bitt hin zuschryben und damitt fründtlichen

bitten wellen, ir ime Schenkhen zu dem

sinem befürdersam sin wellend. Hienäbentt

uns ouch wüssen lassen, ob ime diss

orts ettwas zuwärden oder nitt, damit

wir mitt ime und den iänigen so er

hieruff gethröst ouch wir bisshar uffghalten

wyter nach gepür handlen khönnend,

wo dann wir sölches umb üch und die

wweren beschulden und verdienen khönen

wellend wir iederzytt willig und geneigt

sin...

...Aman und ratt

der stat und amptt

Zug

[andere Hand:]

Antwort

Min gh haben ir schryben uff Schencken fürgeben verstanden und diwyl

die sachen allhie verloffen ouch zu vor schon in recht bracht, auch noch in

anhangende recht und verbott standen haben sy dissmals der sachen

anders nüt thun können noch ime andern bricht geben dann allein

das Schenck oder sin gwallthaber der sach nachsetzen und mitt dem

recht ussüben und ussfündig machen werde ime dasselbig

unverlangt und gut aller gebür nach verlangen.