Von wegen hauptman Hanns Caspar Sonnenbergs kriegs-

knechten, deren ein guotter theill umb ire besoldungen noch

unbezalltt derselbigen usstan müessent, darumb dann

er hauptman Sonnenberg uff hütt vor MGH erschinen und

umb beittag [Stundung] gebetten das man die hindersich hallten

wölle, habent MGH ime disen bscheid geben lassen die-

wyl die hauptlütt sonst all zalltt, derhalben er mitt

hillff siner vettern den Sonnenbergen nach mittlen trachte

unnd sich umb gelltt bewärben damit er die fürderlichen

auch abrichten und bezallen könne. Und MGH sölliches

nachlauffens überhept und berüewiget werdent, wo dann

MGH zun sachen das best reden könnent sind sy dessen

guottwillig.