unser frentlich grus und alles gutt zuvor fürnämer wyser getreuer lieber mittratt uff

das schriben so ir uns des uffbruchs halb by den unsern gethan haben geben wir uch zuvernämen das

ir gutt sorg und uffsächen zu den uffwiglern haben und wo ir si beträtten mogen söllen ir si vänck-

lich annämen und uns mit hab und gutt uberantwertten lassen dessgelychen ebettlich (?)

die unsern uber unser verbott hinwäg wären denselben wöllen all ir hab und gutte in verbotte

zu unsern handen leggen lassen. D(?)an bescheche unser will datum donstag nach leodgary

anno xxxvii

Schults und ratt

der stat lucern