Houptman Heinrich Meyenberg und Jeronimus Heinrich hand

uff der kron Frankrich ghan an houptgut und zins bis uff

martini 76 namlich 12700 ? davon hand si mir

geben von Oswald Vogt des mutzmeysters wegen 6m

davon ist mir dz zins angangen uff martini im 76 iar.

Darnach uff 10 tag aprel im 79 iar hand sy ingnon

und empfangen von gantzer suma dz 12700 ? dry iar

zins und uff 29 in dicis (?) im 82 iar hand si

abermal ingnon und empf(angen) von gantzer suma dry

iar zins und darmit hand si mir von minen 6m

sechs iar zins ingnon das hat uff 3m bracht

die hand si mir nit zu geben ghan sunders vermeint

ich solti die uff den kron han das han ich nit thun

können bis si zu vor mit mir machent daran ich komen

moge und die wil si das nit than so han ich harnach

die zins so im 83, 84 und 85 iar gfalen ingnon

wyl ouch darmit nit gstelt han, daruff sind si

zu gfaren und iro restantz so noch 1700 ? gsin die

hand si dem panermeister koli mit 20 ?? nachlass

verkoufft dess selbigen erben hand harnach die

dry iar zins so ich ingnon von dyssen 1700 ? im

88 iar erforderet das iarlich 136 ? bracht da

wer ich inen nüt schuldig gsin dan min ubergab

bryeff luter mit bringt das die houptlut mir

mit dissen 1700 ? nach und ich inen mit minen

6m ? ieder zalung soli vergan. Doch durch fruntliche

underhandlung h fenrich Dolikers und h Vogt Grim

han ich mich bereden lassen die wil es nit vyll

(2)

es nit vyl antroffen das ich inen dis uff bestimbde zit

und tag zu bezallen versprochen sonst het ich bilicher

wyss die mogen behalten bis das mir ouch ersatzung

um das min beschechen weri.

So bin ich ouch khein ursach des gespans so Lassaris Koli

mit der frow Verena Closin hat dan so man mir mine

zins wie bylich vervolgen lassen so het ich ouch mit ingnon

sonst han ich mit dem handel so si mit der frow Closin

hand nüt zu thund gat mich ouch nüt an sonders si hat

die restantz so noch hinder mir uber das so Koli und

sine mithafften von mir empf(angen) uss erloubtnus miner

g h hinder mit in arest und verbot legen lassen und

letstlich das mit dme rechten vor minen g h bezogen

das ich si zallen muessen, und diewil an stat der

fruntlikeit so ich inen harin erzeigt mir ein sondiger

bosser dank wirt das ich dardurch also vor minen g h

vercleineret wirden, ob si dormit ir sachen werdent

gut machen wirt die zit mit bringen und mir ein warnung

sin und sechen wie ich um miner 3m ? zu sampt dem

zins von 17 iaren har moge zalt werden und die nit

wellen uff der kron han dan ich mit schuldig oder

man muss fruntlich und bescheidenlich mit mir handlen

dan byss har beschechen, es ist recht gsin das si mir

vom inen 6m ? sechs iar zins in gnon aber on recht das

ich inen von 1700 ? dry iar zins ingnon, das wirt si

zu sinerzit erorteren. Hiemit wil ich im nit verhalten

das die bemelte frow Closin die zins so sid dem 85 iar

von dissen 1700 ? verfalen und unbezalt ustand ouch in

arest und verbot gleit des ich so wenig als des vorigen

arests ursach bin sonders, er, Koli das er mit disser

erlichen frowen ein handel nit abmacht wie er dessen

von siner oberkeit und minen g h offtermalen vermant

worden.