29 8bris 1593 Savoy

Durchlüchtigister hochgeporner fürst...

...Us dem schryben [Rand: unsrer lieben gethrüwen

mitträthen den houptlüten uss

unser statt]

des regiments eidtgnossen, so uss unserm und [Rand:

den übrigen 4 catholischen orten unsern gethrüwen

lieben miteidtgnossen] sich diser zytt in u fl dht dienst befindent, an

uns gethan, haben wir verstanden, u fl dht gnädige

undd pundtgnossischer willen fauch (?) guote anmuttung

so sy zuo uns und den unsern tragt sonderlich aber

in dem das sy so gnädige und guote resolution

und fürsehung gethan, von wegen der kranckhern kriegs-

lütten der unsern, sy widerumb in ir vatterland

ir gesundtheit zuerholen zuverschaffen, und darneben

auch sonsten sy die obersten und hauptlütt in gmein

sampt iren undergeben und bevolchnen soldaten

mit so gnädiger und fürstlicher affection und

wolmeinung meint und halltet, daruff

wir nit underlassen söllen noch wöllen, u fl dht

dessen gantz demüttig und zum aller fründt-

lichsten zu danken (alls wir hiemit thund).

Die selbige gantz flyssig und demüttig pittende,

in dem selbigen iren gnädigen und pundts-

gnossischen willen gegen uns und den unsern wie

biss har zu verharren. Und sonderlichen

die unsern so sich in gesagtem iren dienst be-

findent glych wie bishar beschechen, iederzytt

für bevolchen zehaben, und endlichen die gnädigste

fürsehung thun, damit sy die unsern mit der

wärung des gellts in empfahung der zahlungen [Rand:

nitt beschwären werden]

(wie dann wir von ettlichen der unsern in

demselbigen faal ettwas beschwärnuss und un-

glycheit hörent und vernemment, und aber nit

wüssen mögent, ob es an u fl dht kriegs

(2)

bevelchslütten oder an wem es ermanglen möchte) und allso

indem selbigen ferners kein klag noch beschwärnus

erschyne. Ouch uns dessen, was sy hierin

befinden wirt, fürderlichen widerumg gnädigist

berichten, damit wo der mangel an den unsern

wäre, wir daselbsten von den unsern wegen gebü-

rend ynsehen schaffen könten wie dann wir

wol wüssent an u fl dht zu irem theil ouch

mitt erwidern würdt, damitt allso zu

beidentheilen alle pundtsgnossische thruw liebe

und fründtschafft desto bas erhallten werden

möge, darzu wir nit minder dann u fl dht

geneigt. Sy hiemitt ouch göttlichem schirm..

[Schultheiss und Rat von Luzern]

(4)

So dann kompt uns auch klag für wie ettlich under

üch so grob mitt den knechten handlent wann sy nit

glych irs gfallens inen bscheid gebent da ir ettlich

die wartzeichen von halbarten streichen und andrem heim-

bringent, da wöllent wir üch dessen auch vätterlich

verwarnet haben dann wo ettwas unfals oder sonst

schadens haruss ervolgen wurdt one dessen an denen uss

dessen ursach zu kommen.