Ich Rudolph Schuppisser der Müller von Tottikon in den ämptern Rüsstal gesessen bekenn und thun kundt aller mengklichen offenlich mitt disem brieff,

dass ich von minen gnädigen herren von Lucern, Ury, Schwitz, Underwalden und Zug, ersame bottschafft, zu Sursee in recht genommen bin wor-

den von wägen der wortten, so ich inen allen schantlich und lasterlich zu geredt hab und unrechtlich angelogen mit dem, das ich geredt hab,

das die gemelten fünff ort habent die iren zuo Meylandt, verratten und verkoufft, und uff den fleischbanck gäben, dazuo geredt, das die von Zü-

rich söllichs ouch von inen redent, und rittent aber mitt inen zuo tagen und habent die noth nye darmy in recht genomen, und diewil söliche wort

mir nit amhöchsten zuo gemessen und von mir klagt sind worden, darmit min bluot zuo vergiessen, so ist von einem ersamen und wysen schul-

theisen und ratt, daselbs zuo Sursee nach klag antwortt, redt und widerredt, mit verhörung der kuntschafft, des gelichen angesechten miner

ersamen fründten und miner ernstliche bitte strengykeit zu vermyden, zuo recht erkent worden, haben ouch ir urteil gesetzt geben und gespro-

chen in mittckeit (?), also das ich sölle zuo Sursee uff einem sunnentag, und darnach zuo Hegglingen an dem andern sunnentag offenlich in den kil-

chen, den obgemelten fünff orten miner löblichen eydgnoschafft minen gnädigen herren ein wyderruoff thuon und sprechen das ich die gemelten

orte hab schantlich und lasterlich angelogen, und inen darmit unrecht und ungüttlich gethan. Ouch wüsse von inen allen nütt anders dann alle eere liebs

und guots, und was man von eerlichen redlichen und fromen herren und eydtgnossen wüssen sölle, und was ich da geredt hab, das es erhyght und er-

lögen sige, und inen darmitt ouch allen costen und schaden abtragen und bezalen. Darzuo ouch miner statt Sursee zuo buos und straf geben hundert gul-

din, das ich also gethan und erstattet hab, wie urteil und recht geben hat, und daruff geloupt und versprochen, das alles zuo halten und dem also trülich

nachzukomen by dem eydt, den ich offenlich vor dem rechten mitt uffgehepter hand und gelerten worten zuo gott und den heiligen geschworn trülich

und redlich zu halten und söliche wort minder oder meer noch andere, die inen ire glympf und eeren berüren, ouch guotten lümbden antassten möchent

nyemer meer zuo reden. Ouch by demselben eydt disen rechtshandel und alles das sich hierin und dazwüschent vor oder nach erlouffen und begägen hat oder

hienach in künfftigen begäben möcht zuo rächen, zuo vächen oder zu ärffen entweder durch mich selbs noch durch ander mitt schaffen verhengen noch ge-

hälen gethan werden, mit oder one gericht noch recht, nütt ussgenomen, ouch disen brieff mitt siner innhalt wäre vest und stett zuo haben, und darwider

nütt zuthuon in wäg all geverdt hierin vermitten und red ich der stucken eins oder meer mitt hielte oder durch ander schriffe verhängte oder verhälte,

mitt gehalten werden, und sich das warlich erfunde (da got vor sin welle) so sol und bin und heissen ich ein schandtlosser meyneyder eerloser brüchi-

ger und verzalter mann, und haben die genannten mine gnädig herren, die fünff ort und min herren von Sursee oder wär inen des holpfen wil, gewalt und

ervolget recht, mich, min lib und guott anzuvallen und begriffen, darmitt zuo thund und zuolassen, als dann mitt einem sölichen brüchigen erlosen und meyn-

eydgen mann billich und von rechts wägen gehördt und gehören sol und mag wägen (?) darvor noch hiewyder sol und mag mich, min lyb und guott gantz nütt

befriden schützen schirmen noch behelffen entwäder fryheit noch gnad geistlicher noch weltlicher, hiten gerichten noch rechte, dhein puntnuss eynung noch geleit

der fürsten herren stett noch landt noch sust mit namen (?) gantz nützig überaal wohin reise, wan ich mich ouch ietz in kraff dis brieffs gemeinlich und son-

derlich alles das so mich hiewider zuo thun beschirmen möchte ouch gefrygt und begabet möchte werden, ergäben hab, all geverdt böss fundtlyst und argetrow

hierin vermitten und des alles zuo warem und vesten urkund, so hab ich obgenanter Ruodolf Schuppisser ernstlich erbetten den ersamen

das er sin eygen insigel abgetrunckt offenlich hat gehenckt an disen brieff, doch inn und sinen erben in allwegen

on schaden, deren zwein glichlutent einer handt geschrifft gemacht und beschriben sind worden, des der ein brieff hinder min gnädig herren von Lucern zu den

fünff orten handen geleit und der an der geben miner statt Sursee beschechen uff mittwochen nach unser lieben fromen hymelfart gezalt von christi geburt ver-

kindes fünffzechenhundertundviertzig iare...