Il est accorde aux cap(nes) Wilhelm Schwaller et Jacob

Vallier (?) du canton de Soleure qui ont promi de mener au service (?) du roy

le nombre de trois cent hommes de guerre de leur nation de Suisse

et non dautre sur peine destre cassez promptement entre (?) lesquelz

y ly aura cinquante armez de corseletz, vingtz cinq harquebusiers et

vingtcinq mousquetaires quilz auront neuf cent escus ou monnoyes

a raison de quattre testoncz pour escuz pour la solde desiditz trois

cent hommes a raison de trois escuz pour homme leurs personne y

comprise et chacun desditz harquebusiers un teston outre leur paie ordinaire

et chacun desdtz mousquetaires deux testons outre leurdite paie et

auront a raison de vingtz paies pour cent et pour leur estat de leur

lieutenant et porteur d'enseigne dixneuf paies par mois davantage

auront tant pour leur apointement que pour appointer les plus

aparans de leur bande la somme de six cent escus teston a

raison de quattre testons pour escu montant en tout les susditz

appointement a raison que dessus a la somme de dixsept cent cinq(te)

escus teston et promettent lesdtz cap(nes) avoir le nombre

desditz trois cent hommes complet et deulx (?) faire monstre tout

les mois pardurant (?) les commissaire et controleur qui seront

desputtez et avec lesditz trois cent hommes promettent semploier

fidelement tant pour la garde de la ville de Lion que ailleurs en

la campagne ou a la conduite de lartillerie et en toutes autres

entreprises qui leur seront ordonnees pour le service de sa ma(te)

et ne pouront lesditz cap(nes) pailler a leurs soldatz moins dune

paie par mois ni mettre noms suposez ny faire passer soldatz

deulx fois a la monstre ny en aposer au nom dun autre ny presenter

gens qui ne soient de service (?) sur peine destre cassez punitz et destituez

des bons faitz et services du roy en faisant promptement la justice

et ou lesditz cap(nes) ce fait se trouveront coupables et

consentante sa ma(te) les poura faire destituer et punir selon

leur demerite et suyvant labscheyd de la journee tenue a Badden

le jour st jehan 1553 seront lesditz cap(nes) tenuz en faisant la

monstre silz veullent que lon ait esgard a leurs maladez

pour esviter toute surprise et mescontentement representer lesditz

malades au lieu de la monstre ou bien silz estoient absent ou

tombez malades despuis leur partement et hors le pais des ligues

lesditz cap(nes) aporteront et presenteront a la monstre (...)

bonne et vallable signee du juge ou officier du lieu ou ilz seront

asin (?) que lon sache le lieu et le nombre desditz malades aussy jureront

lesditz cap(nes) et leurs soldatz de bien et loyalement servir sa ma(te)

envers tous et contre tous tant et sy longuement que requis et

seront resirue (?) contre leurs seignerus et superierus et

ne pouront lesditz cap(nes) laisser le service

(2)

de sa ma(te) sans le conge dicelle et sy aucun cap(ne) soldat ou plusieurs

voulleurent entreprendre sen aller sans aucun conge ou passport

du roy ou de son lieutenent general seront punitz comme dessus

et ou sen allant sans ledit passeport leur advenon aucun

juronnement nen pourront faire quivelle (?) ne demande a sa ma(te)

et pour entrenir a que dessus sera bailli ausditz cap(ne) la susdite

somme de dixsept cent cinquante escuz de quattre testons piece

a quoy montent et reviennent lesditz estatz et soldez cy dessus

declarer sans quilz puissent demander ne quereller aucunne chose

davantage comme droit de premier ferullet (?) et pour lhonneur

ne autre apointement ne demande quelle quelle soit et ou le

nombre desditz trois cent hommes ne sera complet sera

rabattu comme au prorate comme il est acoustume et

commancera le paiement desditz cap(nes) le seixieme jour de may

(...) de quoy nous avons fait mettre et apposer le

chachet de nos armes a Soleure le quinzieme jour dudit

moys de may mil cinq cent quattre vingtz quatorze.

Wylhelm Schwaller