Zwüschen J Jacob Feer, Jacob Stoffel

unnd Michel Gräm an i, so dann

Jost Zum Stäg und Wollff Lindacher

am 2, Hanns Dantticker am 3, Sigmund

Mörr innamen sines stieffsons Niclaus

Malers unnd Hanns Hoffstetters frouw

Barbara Vannwer (?) am 4, so dann

J Batt Fleckenstein und sin sohn haupt-

man Batt Fleckenstein unnd J Hanns

Zimmerman innamen und als vogt sines

vorfaren hauptman Gilg Grebels säligen

verlassnen kinden am 5 theill.

Ist uff verhörung dess herren obersten Pfyffers berichtt erkennt, namlichen und erstlichen

das es by der urtheill antreffend J Batt Fleckenstein den alltten nachmalen blyben allso

das er den knechten unnd amptslütten nützitz zuanttwortten schulldig sin, so vill dann

die eeren unnd ampttsölld belangtt, diewyll sy die ampttlütt uff hüttigen tag nitt er-

wysen mögen das die hauptlütt dieselbigen empfangen und darumb zalltt sigentt,

by denselbigen sölle es dann auch allso blyben [am Rand: und uffgehebt sin], demnach der übrigen besoldungen hallb

söllentt sy zesamen keeren unnd understan sich zuverglychen, doch das die ampttlütt

sich der billicheitt auch ersettigen lassen, dess gelltts halb so inn verpott ligtt, soll an ein

gerichtt komen, wellcher besser rechtt darzu hatt, den selbigen es gevolgen und werden