Zwüschen h obersten Rudolff Pfyffer und synen

mitthauptlüten dess dumeinischen zuges 1

so dann Jacoben Stoffel 2.

Ist uff verhör alles handels erkennt, das die verloffnen

reden gentzlichen uffgept syn, h obersten und den übrigen

herren synen mitthauptlütten und den iren in allweg

unschädlich und unvergriffenlych syn, sonder die selbigen

sich eerlich und wol verantwort haben. Und wie

wol mgh solche wort nit für schmächlich noch eerrüerend

erkennen können, so habend sy doch an Jacob Stoffels trutzigen

und unrüwigen wässen und reden gar kein gfallen der-

halben ime mitt allem ernst anzeigen lassen, das er sich

fürhin derglychen sachen müssige, behuttsam und rüwig sige

und umb sin ansprach warte wie ander.