Instruction und bevelch uff die edlen vesten

fürnemen wysen unsere sonder gethrüwen

lieben mitträäth unnd raathsfründ Baltha-

sar Pfyffer, Waltharten am Rhyn unnd

Heinrich Kloosen bestellte hauptlütt über

drü fendlin kriegsvolck unserer Nation in

Fl ?? von Savoy unser gnädigisten herren

unnd pundtsgnossen dienst den 18

tag junii A° 1594

Wir der schuldtheis unnd raath

auch der gross raath so man nempt

die hundert der statt Lucern, thuond

kundt mengklichen mitt disem brieff

nach dem dann wir uff anhalltten und

wärben dess hochgeachten unnd edlen

herren Petri de Villette he de la cous fl ??

von Savoy unsers gnädigisten herren unnd

pundtsgnossen raath und ordenlich am-

bassedoren in der eydtgnossschafft, inson-

derheit auch uss sonderem guotten gneigten

yffer unnd gemüet, so wir zuo hochernannter

irer ?? dienst tragent bewögt, disen

uffbruch obvermelltter dryen fendlinen

bewilliget unnd zuogelassen da so habent

wir üch den obgenannten hauptlütten hiemit

ernstlich bevelchen und ufferleggen wöllen in

üch zuo dienst hochernannter ir fl ?? nach

lutt der pündtnuss so wir mitt iren

hand, unnd innhaltt üwerer capitulation

under den conditionen unnd anbedingungen glych

(2)

wie vorndrigen iars auch gebruchen lassent. So

dann söllent ir auch uwer ampt unnd kriegs

lütt, wie ir die gedinget unnd wir üch zuoge-

lassen namlich + achtzechen bianck für

ein kronen abzallen unnd befridigen das

kein klag sye, wie dann wir üch sonders

wol verthruwen, unns auch keines andern zuo üch

nitt versächent. Zuo urkundt hand wir

disen brieff mitt unser statt hieruff ge-

trucktem serret insigel bewartt geben

lassen uff samstag den 18d Junii A° 1594