Den hauptlüten us Lutzern so im

Piedmont ligent.

Unsern wolgeneigten fründtlichen willen und alles

gutts zuvor edle veste sonders gethrüwe liebe

mitträth, wir habend vor ettwas tagen ein

schryben von üch und bald daruff widerumb ein

anders by diserm üweren botten empfangen und

darum üwer ernstliche klag und beschwärd

mangels halb wüer kriegszalung mitt meer-

erm innhallt vernommen wöllichs zwar wie

billich uns alls üwer oberkeit und schuldige pflicht

halb zu gmütt gangen, wie ir dann selbs üch

wol zu erinnern habend, das wir üch iederzyt in

allem anligen fürnemlich aber dises wärenden

kriegs, an vätterlicher hillff und fürderung ni

ermanglen, und sind desselbigen nochmalen willig,

wir wöllent aber üch nit verhallten wann das

wir nitt wenig verwundrens empfangen ab der

unglychheit der sachen, dann als ir in üwerm

ersten schryben meldent es schrybent alle houptlüt

ieder syner oberkeit selbs disern mangel, haben

wir das widerspil erfaren, und wöllen die übrigen

ort von einicher klag noch mangel nüt wüssen,

sonder syen die iren und dy die oberkeit wol

zefriden. Item in dem einen schryben

habent ir üch all dry underschriben im andern nitt,

neben dem das ouch die sag gat das im feld eben-

mässig sich niemands klage dann ir, wöllches uns

wo dem allso wäre [Rand: das ir genäwer oder

unfründtlicher dann andre solltend ghallten

werden] billiche ursach gebe uns

by ir Fl. Dht dessen zu erklagen und der sachen ferners

nachdenckens zehaben. So hatt es ouch ein unglych

ansehen das in einem regimentund feldläger da

ein oberster ist allein die hauptlütt

besonder und one einige meldung dess obersten

und nit der oberst ouch sich erklagent [Rand: zu dem das grad

von üch selbs ins vatterland unglyche schryben und unglychs

innhallts geschriben werdent]

wöllichs nun ze muottmassen gibt das ir under einandren

zertheilt und nitt einhällig oder nit mitt einandren

handlet, wölliches uns missfallt, und haben

derwegen uff söllche grosse unglychheit uff diss

mal der sachen wytters zethuond nit gwüst dann

(2)

üch söllches allso zu erinnern...

[Zusammen vorgehen, Oberst einbeziehen, Zahlung melden]