Zwüschen h Buwmeister Hanns von

Mettenwyl Vennerich 1, so dann

Oswald Wäber als bystand Niclaus

Meyers unnd siner Mutter 2.

Ist erkennt das die erlüffnen reden uffgehept

syn, unnd keinen theill an eeren nütt schaden, sonder-

lichen h vennerich von Mettenwyl sich eerlich

und wolverantwortet haben, mitt Niclaus Meyern

geredt, unnd ime durch min h schuldtheis redlich

abgewüscht werden sich fründtlich, unnd nitt so trutzig

und fräuenlich mitt schalckhafftigem bscheid mgh

begegnen, dann sonsten sy was sich gebürtt gegen

ime fürnemen, was belangt ir zusamen

habende ansprach söllent sy zusamen keeren, dieselbige

erörtern, unnd erlüttern, so sich findt das die

spänigen 40 kr nit verrechnet, soll h vennerich

von Mettenwyl sy darum auch vernüegen, unnd

hiemit h vennerich von Mettenwyl gebetten

werden er dissmallen inen mitt 40 kr bares

gellts verholffen syn wölle, wo möglich, wo nit

so bald h oberster Pfyffer heimkompt, dessglychen

sy alls dann sinem anerbietten nach umb die überigen

vernüegen, doch daran abzogen, was andern kriegs-

knechten auch abzogen worden.