Alls dann Bäp. ht den obersten und hauptlütten dess dumainschen zugs

so der union a 1589 in Franckrych gedienet, abermalen 20000 kronen vermög

mit inen getroffnen contracts, erlegt und bezalt. Sind di unsern oberst und

hauptlütt uff hütt vor MGH erschinen, und von inen erkantnus begert, wie

sy sich dises gelts halben gegen iren ampt und kriegslütten zehallten und zethei-

len haben söllent, demüettig bittende, sy uss yngewandten gründen, ursachen

und beschwärden, sy by ferndriger erkantnus blyben zelassen, sondernlichen die-

wyl sy gutter hoffnung und wol vertröst, sy in kurtzem umb den rest des vierdten

monats, bezalt zewerden, da den knechten wol etwas gevolgen und ein willen ge-

macht werden möchte. Daruff habent MGH in ansechen

ir der hauptlütten beschwärden, sonderlich diewyl sy noch vil gelts schuldig, so sy iär-

lichen verzinsen müessent, daruss dann die knecht bezalt worden, dessglychen den

gwirbslütten umb thuch, harnast und gwör vil usstadt, die knecht auch bis in den

achten monat bezalt, da aber sy die hauptlütt umb den vierdten kum vernügt,

auch diewyl diss gelt, nit ein kriegszalung, sonder ein vernerung ist [Einschub unten:

sich auch die hauptlütt anerbotten so sy umb den rest des vierdten monats bezalt, sy den knechten

auch meer gevolgen lassen wöllent] sich erkent,

dass die hauptlütt iedem knecht 2 kronen geben, mit dem amptslütten und doppelsöld-

neren aber, sonsten ein willen machen söllen, daran sy komen mögent, und wöllichem fernd

die kronen nit worden, soll sy ime ietz auch erstattet werden. Und was sonderbare versprechungen

sind by demselbigen lassents MGH auch blyben.