Ich Hanns Studer gewanner weibel zu Eschlis-

mat im landt Entlibuch ouch ander

grichts lütt da sälbst thun khundt und

bekennen offenlich mitt desem brieff das

wir in ratts wis by ein andern versampt

gewäseen sind vor unns erschinen ist der

bescheiden Lude Zur Danen, und unns

anzeigt wie er begere und ime von nötten

sige khuntschafft der warheit uff zu

nemen von dem Hans Kastanins

unnd die will khundschafft der warheit

nieman versagt sol sin sonders dem

begärenden von des rechten wegen mit

getheilt werden sol so hat man der

khuntschafft person gebotten bim sinem

geschwornen eidt Hans Kastanins zügt

wie er und Hans Meier im krieg gesin

sige im dienst under dem houptman

Mettywillen und wie sy hendt an die

schlacht gesölen du sige er von sinem

heren komen und wie sy heigen welen

hein ritten da sige er uff der stras zum

houptman Hans Mettywiller komen,

(2)

da habe der houptman in angesprochen und

im ankent er söle by ime bliben da het

er ime gefolget und sige by ime bliben

und habe ime dienet mitt einem

ros das Hans Meyers gesin ist und sige

mit ime in das Niderlandt gritten

und by ime bliben sunst wer er wol

sächs wuchen vor hin heim gesin sölichs

hett der züg gret by sinem eidt.

Des zu unkhundt hend wir dem begerenden

diser brieff mitt [Siegel..., 24.8.1595]