Hochgeachte, edle, gestrenge, nottveste, fürsichtige, ersame, und

wyse, hochehrendiste, gnedige herren oberen unnd vätteren,

e st e w seye unnsere underthenige, willige, und gehorsamen

dienst und gruoss p dz e st e w unns mitt ihrem vil

faltigen schryben gegen ihro ?? ??, unnd parischen ambaseia-

toren so vätterlichen verhulfen gsin, das dancken wir e st

e w zum aller underthenigisten und höchsten, haben auch nit

manglen wellen uss schuldiger pflicht die selbige zuo berichten,

wz bysshar mitt unns tractiert und gehandlett worden,

da an unns nitt gemanglett, sonder mitt allem flyss

unnd ernst sollicieret unnd angehalten, endtlich vermeint

aller dingen ussbezalt zuo werden, welche starcke anhaltung

sich by uss über die fierzechen tag verzogen, unnd nütt

witters ussbringen mögen, wie dan e st e w hernach

berichtett wirtt, erstlchen hatt unns ihr kö Mt.

uss hispania ambaseiator dryssig dusent kronen

ussgendes hersptmonats zuo Meylandt verzeigt zuo

empfachen, unnd ietzunder also bar sechs und dryssig

dusent kronen, welche dan wir von obgedachten herren

ambaseiatoren empfangen, volgents begert unss uff

den 24. beschechen, unnd zuo ussgendts dess monatts die

selbige zallung zuo schiamay (?) zuo erleggen versprochen

unnd endtlichen sich resolviert, inen witters uff diss mall

unmüglich sye haben wir die mittel nitt allen dingen

ussschlagen können, sonder zuo hertzen gefürtt wz

schulden wir gegen unnseren kriegslütten unnd sonst

(2)

ehrlichen lütten stücken unnd hangen, da dan wir vil

unwillens unnd uffruors von unseren kriegslütten ge-

spürtt, darneben auch zuo einer lutteren unnd beschliesslichen

rechnung komen mögen, sindt wir uss trungender nott

bewegtt die erzelte mittel an die hannd zuonemen, unnd

inen verwilgett mitt unserem regiment in dz Sapfoy

zuo züchen, Gott den almechtigen, sin liebe muotter

Maria, unnd alles himlisch heer thrülich pittende, unnss

witter glückh unnd sig wider unnseren feyendt, wie

in Piemundt, beschechen, gnädigklichen verlichen welle. Dem-

nach kömen wir e st e w, nitt verhalten sonder hertzig-

klichen zuo erklagen welcher unbefüogter massen unnsere

kriegslütt unnder innseren dryen fendlinen sich re-

bellisch erzeigt, unnder welchen der mertheil e st e w

underthanen, die anfenger und schuldiger sindt, unnd

namlichen als wir uff den 27. diss monats augusti mitt

dem regiment zuo Rivoli uffbrechen unnd vorhabens

in dz Sapfoy zuozüchen, haben sy sich unnsere knechten

der mehrtheyl gerottet unnd zuo samen geschworen, nitt fortt

wie andere zuozüchen, sonder wellent zuovor allen

dingen ussgezalt sin, als dan wellent sy sich resolvieren,

ob sy witter dienen und in dz Sapfoy bruchen lassen

wellen oder nitt, sich auch vermessen nitt witters zuo dienen

schuldig dan im Piemundt, welches dan unsere capitulation

nitt erwyst nach vermag, unangesechen wir glichförmig

unnd mehr dan ander hauptlütt uss den orthsen (?)

unns gegen inen mitt gelt unnd fründtlichem bescheid erzeigt

(3)

dessen sy sich aber keiner billigkeyt ersettigen nach unser

herren obersten fründtlichen ermanungs nitt geachtett, sonder

ihrem bössen fürnemen fortgefaren unnd ihre ehrliche

zeichen verlassen, unnd gestrackts sich zuo samen vereydett

heimzeüchen, unnd des selbigen tag uff sentty mitt gwalt

zogen, da wir aber ihnen muotwillen unnd meyneydige

intention gesechen, haben wir nitt manglen wellen, solchen

warzuo khomen, damitt einer hochen oberkeyt der statt

Lucern unnd unns hauptlütten ein solche schmach unnd

unehr nitt bescheche, sonder vermitten blybe, solches uff der

statt ihr ?? ?? klagt, ires raths unnd hilff erflegt (?)

unnd begerett, wleche sy sich ab solchem grossen krawal

höchlichen verwundertt unnd erzürnt, hatt derwegen ihr

?? ?? uss den herren von Battia, sampt ihren lyb-

gwardi reysig zuogeben unnd befolchen inen nachzuo-

rytten unnd sy ihres eyds welche sy dem regimentt

geschworen, zuoerineren, welches dan durch unnsern

herren obersten und herren von Battia ernstlichen

beschechen, aber am abent nütt ussbringen mögen, sondern endtlich

ingeworffen, sich nitt ins Sapfoy zuobruchen lassen,

morndes widerumb in aller fründtschafft an sy langen

lassen, unnd innen alle schon zuosindt glegt, wz inen zuover-

andtwortten glichfals für unnser ihrem vatterland unnd

unnss houptlütten unser zallung verhindernuss bringen

möchte, hatt solches den nacht sy nitt bewegen wellen, sonder

inen über dz alles in gmein versprechen müossen inen ihre

besoldung gmeingklich zuobescheren, unnd über e st e w

brieff unnd dz gelt in höcherem weer zuogeben, auch sy ires

frevels nütt by dem regiment lassen zuo entgelten,

von welchem zwang unnd trang unnd unbilligkeyt sachen (?)

unns angethan nach wyttleüffiger wil zuo klagen were,

wie dan ihr ?? ??, selber unnd unser her oberster

(4)

unnsre unschuld bezügen wirtt, glichfals nüwer mittraaht

h houpt. Baltaser Pfyffer der lange nach mundtlichen

berichten kan derhalben lange unnser underthenige

und trungenlich pitt e st e w welle unns in diser

sach gnädigklichen unnd vätterlich für befolchen haben, damit

die ienigen so heimzogen und noch in künfftigen heim zeüchen

möchten, nach ihrem verdienst gestrafft werden, unnd ein ex-

empel denen so noch im dienst verharen, solche meyneyde

sachen zuo underlassen, geben werde. Sonst were unmüglich

mitt den nüweren witters zuo kriegen. Petten e st e w

noch ferner unnss in allen fürfallenden sachen fürbefolchen

haben unnd iederzyt zuo der verandtworttung lassen khomen

in sonderheyt ouch gegen unnseren ehrlichen schuldneren

welchen dan wir versprochen uf disere suma gelts zuobe-

frydigen, vätterlichen ihren halten, dan von wegen

disers untersachenlichen rumors unnss ietz malen nitt

müglich gewesen zuo contentieren, verhoffen aber wir

solches von der suma gelts, so unss zuo Meylandt solle

erlegt unnd euch minen gnedigen herren überschickt werden

iederman solle vernüogt unnd zuo frydengestellt werden.

E st e w hiemit Gott unnd Marie, welche sy in lang-

wirig regierung erhalten wellen, thrülich befelchende. Datum

by Sant Jörgi den 31 augusti 1595.

E St E W

underthenigste, gehorsamiste burger

Balthasar Pfyffer

Heinrich Kloos