Unser früntlich underthänig..

...hiellten wir sampt unsern luttinatten

und vändrichen, mitt den frantzössischen heren

einen stosse, der ämptern halb, da si unsern

amptslütten, an ir besoldunge all manott, viertzig

und ein sold, abgebrochen, und uns nitt wytters

entgegen wöllen lassen komen, daruff wir nun

allso fürgezogen, und harinne in das lande

kommen, haben wir abermalen an die heren

gekertt, unnd inen darvone gesagt, zu Vigon

und sonst, daruff si unns ein antwurtte

gäben, der herre von Boyrisgault hätte

inen geschriben, es dechte uwere gnade nitt billich

das man unns, alls vil uff die ämpter bezallte

alls ob unnser by zwentzig oder mer vännline wäre,

daruff alls wir zu Carnian gelägen unnd

die heren by unns, sind aber vor unns erschinen,

unser amptslütte, unnd uns gebätten, mitt

(2)

den heren zereden, ob si inen wöllten, solliche

ämpter bezalen oder nitt, wie vornacher gebürth

worden, daruff wir zwen unnder unns ussge-

schossen, unnd mitt dem heren von Bottiers

zereden bevelche gäben, unnd innn früntlich

zebitten, den ämptern ir ansprache zuvervollgen

zelassen, daruff er inen geantwurtt, gedachte

amptslütte sollten uwern gnaden schriben, wölle

er dem heren von Boysrisgault ouch schriiben

unnnd so wytte, gedachte uwere gnade, inen solliches

zubekandten, wöllte er inen solliche [...]

Uff das so bitten wir dieselb uwere gnade

früntlich, innamen unnser selbs, unnd unsser

amptslütten, alls unnsere gnädige heren und

obern, si wöllen betrachten, das äben ein zimlich

volcke zesamen kommen, da wir gerichts und

rechts mangelbar, unnd verhellffen dartzu

verschaffen, diewyl obgenantter handell uwern

gnaden heim gesagt, das solliche unnsere ampts-

lütte, abgericht und zefriden gestellt werden,

statt unns sampt inen alle zytten, alls schuldig

underthanige diener zu beschulden und zu

verdienen, uwer verschriben antwurtte harüber

(3)

erwarttende, dartzu den allmächtigen bittende...

[Hauptleute im Piemont]

(4)

[Nachrichten]