Uff montag nach invocavit a° 1596

ist Wältin Reyn von Muri sonst im Rotenburger

ampt gesässen umb dz er sin frouwen ein un-

hold gescholten in M.G.H. gfangenschafft khommen.

Zeigt ann er sye mithin immeder den kriegen

nachzogen unnd der wylen er im krieg gsin habends

die kriegslüt immer alwägen fürgehalten und

doruff gespützlet sin frouw sye ein unholdin und

es habe sy ein andere so gericht worden angeben

sonst er habe von ihren derglichen nüt weder

gesechen noch gehört unnd im zorn sollichs

unnd allein von desswägen geredt dz es imme

im krieg fürzogen worden. Sonst wüsse er uff sy

nüt zubringen habe es ouch andrer gstalt nit gemein

B. M.G.H.

umb gnadt.

Ist uff ein gewonnt urfechd ussgelassen unnd

von Statt und Land mit der frawen ver-

wisen.