Unsern wolgneigten günstigen willen...

Nach dem dann uff

hütt dato etliche parthygen der unsren spänig für

uns in recht kommen, von wegen Hansen Lüttis [sälig], ge-

wesnen gwardi knechts verlassenschafft. Wir

aber uss ursach wir kein wüssen habent was die

selbig ertragen möge, nützit schliesslichs fürne-

nemmen können. Ist derwegen an dich un-

ser ernstlich bevelch, du alle obgenants Hansen Lüttis

säligen verlassenschafft, dass mind und dz meer, ze

gelt machest, und die schulden yzühest, demnach

das gelt so du also gelöset und yngezogen oder sonsten

hinder ime verlassen und vor synes dienst wegen ime

gehört alles uns zuschickest, so bald dz möglich, da-

mit wir in der sach handlen können, alls die bil-

licheit ervorderet.

So dann ist uns klag fürkommen, wie das Anthoni

Fallenders wyb und kind alhie in hunger und man-

gel lebent, und er inen kein gelt nit heruss schicke.

Da so bevelhent wir dir auch, du gesagtem Anthoni

Fallender monatlichen ein kronen oder etwas noch ge-

stalt der sachen innbehaltest und dasselbig heruss ord-

nest, damit sölliches synen wyb und kind zu nott-

wendig uffenthalt erschiessen möge...