Uff hütt sind vor M.G.H. erschinen, die amptslütt so im iüngsten kriegs-

zug im Niderland, under beyden H. hauptlütten Beaten Fleckenstein und

Josten Grebel gedienet und sich erklagt, nach dem dann dass gelt von

disem krieg har zum theil erlegt und alhar gelyffert worden, und aber

irerwegen iren wol verdienten usstenden besöldungen, ettwas un-

richtigkeit halb deren sy nüt vermögent, niemandt red noch ant-

wort geben wölle, so sy ir demüettig bitt, das m g h verschaffen

wöllent, damit sy umb iren sold vernüegt werdent, und damit selbiges

desto bass beschehen mächte, bedunckte sy nit unbillich, dass diewyl ettliche

(2)

knecht alls der krieg recht angan und man ans meer hinab zühen söllen, one ursach

un der hauptlütten willen, von den fendlinen hinweg und heim geloffen, dass dieselbigen

bis uff die künfftige bezalung hindersich gestelt werden. Also uff verhöre

sölliches fürbringens habent m g h erkent, dass bemelter h hauptlütten ver-

wandte und vögt [am Rand: alls Kaspar Pfyffer und h hauptman Beat Jacob Feer]

sich uff dass fürderlichst zusamen thun, und mit h hauptman

Wilhelm Balthasarn übersitzen und rechnen söllent, wie vil gelt vorhanden und was man

den knechten schuldig, die dann vor dannen söllent bezalt werden. Dessglychen m Jörgi

Forer die 40 oder meer kronen, so er uss dem synen den knechten geben, auch widerumb er-

legt, und die übrigen ansprachen aber soll er M. Jörgi mit anderen gan. Es söl-

lent aber die ienigen knecht, so von den fendlinen wie vorgemelt geloffen, bis uff die

künfftige zalung hindersich gestelt werden, und dann wann schon dieselbige bezalung

erlegt wirdt, soll es dennocht zu erkandtnus m g h stan, ob und was man

denselbigen knechten zahlen sölle.