Uff hütt habent m g h bezalung halb der kriegslütten, so under beyden hauptlütten

Fleckenstein und Grebel im Niderland gedienet, nach empfangnem bericht von h haupt-

man Wilhelm Balthasarn wie die sachen beschaffen, erkent, dass dis gelt so ankomen-

den knechten uff iren rest uss getheilt werde volgender gestalt, diewyl dess gelts nit

meer vorhanden und zu volkomner zalung nit gelangen mag. Namlich dass die yenigen

knecht so vor den fendlinen one passportten weg gezogen, oder wegen dess er-

werkten uffrurs mit passportten abgevertiget worden, hindersich gestelt werdent, lut

vormalen ergangner erkandtnus, die übrigen knecht aber so uff die sechst oder siben

kronen und darunder ansprächig, söllent volkommenlich bezalt werden, wölliche aber

darüber ansprächig denen soll der halb theil erlegt werden.