Den obersten und gmeinen houptlüten stadt uff hern Odestallto in namen

ir heligkheit noch ussen alls vollgt, by den 40000 kronen, so ir g

inen A 1594 und A 1595 erleggen sollen durch ermellten l'odestalto.

Erstlich war ir bäp ht uns (lut ir versprechung) 40000 kronen

g 120 soldt zu bezahlen schuldig.

Die thundt g 114 soldt 42105 ducatonen und 30 soldt,

dise obgmellte 40000 kr hat er uns an ducatonen zallt zu 114 solldt (wie

gemelldet, welche aber er uns nit hocher dan umb 113 soldt hat stelen (?) uff

rechnen, thut allso 42105 soldt, die er uns zfil hat gehen [gerechnet?], bringt

372 ducaton und 69 krützer oder soldt.

Zum andern hatt er uns a 94 gan Meyllandt bescheiden dz gellt

zu empfangen, uns (über dz wir uss bliben uff der strass) zu Meyllandt

uff ghallten in grossen costen, handt grosse gsellschafft by uns müssen

erhallten, von gfaar wegen und gellt zu bleiten von Meylland biss uff unser

grentzen. Und handt domalen üch alls uffzüchen so er uns gethan.

Dennocht on dz gellt wider heim müssen, ist uns domalen ob

300 ducato uffgangen.

Ittem zum dritten so hat er uns lut des ingtrumentz die übrigen 20000

kronen im april a 95 solen bezallen und erleggen, dz ist erst im iunio

darnach beschähen, bringt uff 2 monat unser ussstandt so sich verlengert

hat thut nur 5 g 100 ducaton 82 od 23 soldt.

Summa wz uns noch ussstandt ducaton 754 und 92 soldt.

(2)

Und diewill nun wz den 1 punctt blangt, her Odestalto uns

die ducatonen hat solen umb 113 soldt gen, die er als uns i soldt

höcher überantwurtet und wider den bruch zu Meyllandt uns die allso

anzenen gethrungen, soll uns desshalben abthrag bschehen.

Für dz ander diewill er uns gan Meyllandt bescheiden uff ein

bestimbten tag mit anzeigung dz unser gellt erleit sye, solendt

one fhäl khon und dz reichen. Nach dem aber wir da ankhon

nit allein dz gellt nit glegen, sonder handt noch one dz uss

sin gheiss wider heim müssen dz gellt zu empfahen,

derhalben diewill er uns allso muttwilliger wiss in costen bracht

ist billch dz solher (?) uns wider erleit wurd.

Zum dritten, diewill er wider dz versprochen

dess instrumentz noch 2 monet, ia drob uns uff ghallten hat in

erleggung der letsten 20000 kr, da dan wir uff ir heligkeit

versprechen hin dz uns solldt ermellte 20000 kr uff den aprell

(lut instrumentz) gwüss erleit und zallt wärden,

unser kriegslüt daruff gwüss verthröst, als aer hernach uns

von hern Odestallto nit ghallten worden, sind wir gezwungen

worden gellt uffzebrechen umb grosse interess, wiewol wir nur

5 g 100 verrechnent, damit wir unsern (?) kriegslüten mögen

hallten. So würdt ye bilich sin dz uns sollcher interess auch wider

zallt wärde.

Diss bitten wir den hern legatten ir gnaden wölle diss unser

bilch begärn uff sin zitt so balldt es mag bschähen an ir ht bringen,

(3)

damit uns diser rest auch zallt wärde, dan die armen houptlüt

sonst grosse costen erlitten handt one dz mit disem gellt.

Es ist üch hern Odestallto zu gschriben und zu erbotten und mit ein

muntlichen dunen (?) gredt worden, der gibt zu antwurt wir heigen

ir ht quitiert und by unser gliebten und dem hellgen evangelio versprochen

der 40000 kr halb reden (?) an sy auch ire mitglider niemehr (?)

nüt zhöuschen. Wie dan wir so unverschambt sin khönen mit

diser ansprach noch uff gegen ingstrument also herfür zekhon.

Daruff gendt wir zu antwurt dz wir ia umb die 40000 kr

wie obgmellt bim scherpffsten (?) quitiert heigent, die quitung also

ist beschähen, eh wir dz gellt zu vollendt ingnon, dan es

hat alls vorhin wöllt han, das dan uns verursachet hat, das

wir uns (nach dem empfangen letsten 20000 kr gege in hern Odestallto

protestiert hand zu Meyllandt dz wir dise vorgmellte ansprach

by ir helligkheit vorbhallten wellendt han, wovern er uns nit ein

articlen (?) drumb machti, dz khönen und wendt wir mit der

warheit durch ehrliche unptyische lüt reisten (?) und an tag

bringen.

Bitten desshalben ir g wöllt on bschwärt und unser thrüwen

patron sin, damit wir diss armüttli mögen by ir ht erlangen

dan wir verhoffen so ir ht rächt bricht es werde nit ermanglen

wo dan wir ir g khönen yeder zit also gebürliche ehr und

reverentz [am Rand: mit unsern diensten] erzeigen wendt wir so wol genzen (?) als wir dz

zethun schuldig sin uns erkhennen. e g dienstwilige

oberste und gmeine houptlüt

beder regimenter der durch (?)

uss Frankrich.

(4)

Verzeichnus und bricht

vestes (?) ussstandts noch

von bäpst ht 40000 kr

so her Odestallto unss

nit zallt hatt. In-

supplications reiss uff

itallsche sprach an hern

legatten Dela Torre ze

bringen.

25 iuni a 1596

gestelt

sambt einem billigenden itallischen

zedelli so von Rom uns zu

khomen umb clag brichts