1596

Uff frytag vor sanct verenen tag

anno 1596 ist Michel Wätterwalld

uss der Graffschafft Willisow pürtig

umb das er in vergangnem Pie-

montesichem kriegszug auch geholl-

ffen die knecht wider ire hauptlütt

uffwiglen. Er auch der rechten ur-

häbern einer gesin in Mgh gefan-

genschafft kommen, unnd uff fürhallten

herren raathsrichters ./.

Nach langem girchtig unnd bekandtlich

worden das er mit dem Löwen (?)

von Bremgarten, unnd Clausen

Schleipffer von Ursswyl (?) die

knecht under h. hauptman Klosen

fendlin uffwigglen helffen, da

er leyder wol erkennen könne

das er übel gefällt, unnd

sölliches nit hette thuon söllen inson-

derheit diewyl hauptman Kloos

ime sonderlichen vil guotts be-

wisen unnd erzeigt habe. Sy 3

aber syent nit allein gsin, sonder

under andern fendlinen syent meer

gsin, die er nit namsen könne,

(2)

unnd habe sy anders nit darzu ver-

sechet dann allein das man sy in

Savoy, da es vil thüwrer gsin, füeren

wöllen, unnd ire hauptütt inen für ein

kronen nit meer dann -18 bianck

bezallt habend, da aber sy vernommen

das der andern 2 regimenten haupt-

lütt iren knecht mit silberkronen

unnd nach die übermüntz daruff bezallt

habent darum sy vermeint ire haupt-

lütt sy auch allso zallen söllent,

unnd sonsten sy uss keiner andern ursach

disen uffruor angefangen, unnd sich

söllich massen, wie die hauptlütt

heimgeschriben, zusamen than habent

unnd diewyl er nit allein sondern

andere meer hieran gefällt, unnd sich

wie er wol erkennen könne, gröblich

übersächen, die hauptlütt inen im

Piemont söllisches verzigen, bitte er

nachmallen sinen hauptman umb

verzychung, unnd Mgh ime dess orts

auch in gnaden scheyden wöllent, wölle

sich söllich sachen fürohin müessigen,

unnd sich eerlich unnd wol hallten,

wie er dann in vilen andern kriegs

(3)

zügen, da er mit Mgh hauptlütten

zereiss zogen, gethan habe, unnd

sinethalb nie kein klag gsin./.

Ist dieser handel ussgemacht lutt

raathsbuch folio - 154 ./.