1596

Uff frytag vor Mariae Geburtstag A° 1596

ist Claus Sleipfer von Ursswyl (?) Rooten-

burger ampts umb das er auch im ver-

gangnen Piemontesischen kriegszug der

uffwigglern einer gsin in Mgh gefangen-

schafft kommen.

Unnd uff fürhallten herren raathsrichters

ist er auch nach langem wie hievor Michel

Wätterwald girchtig unnd bekandtlich worden

das er, gedachter Wätterwald, unnd

der Löw von Bremgarten die 3 rechten

urhäber unnd uffwiggler gsin iedoch sye

er von den andern zweyen hierzuo ervor-

dert worden, wärent sy nit gsin, so wäre

ime solliches nie in sinn kommen, so

könne er auch nit absyn dann das er

auch der 6 einer gsin, die verordnet

worden ire mitgspanen, unnd rott heim-

zuofüeren, unnd sye er auch der, der

inen den eydt geben, der eydt den

sy zuosamen geschworen sye gsin das

ir keiner in das Savoy sonder all mit

einandern strax heimzüchen wöllent, unnd

ob die hauptlütt schon kommen wurdent

sy zur gehorsame zehallten, sich gegen

inen zu wöör stellen wöllent [Einschub:

daruff sy all die erden küsst, und i.

vatter unser und ave maria gebetten] diss sye

(2)

ime von hertzen leydt, könne wol erkennen

das er unnd sine mitthafften hieran

gröblich gefällt, bitte derhalben

Mgh sinen hauptman unnd die H

hauptlütt gmeinklich umb verzychung

unnd das Mgh ime in gnaden scheiden

wöllent, wölle sich aller söllichen sachen

müessigen, unnd redlich hallten./.

Diser handel ist ussgemacht lutt dess raathsbuchs folie 158./.