Wyr der Schultheis unnd rhatt zuo Wyllisouw bekennent unns

offenlichen mit disem brieff das uff hütt sines datums

alls wyr inn rhattswyse by ein anderen versamptt gwessen

vor uns erschinen ist der unser lieber und getrüwer mitt

burger und spylman Batt Hodell mitt anzeigung wye das er kunt-

schafftt der warheitt gegen und wyder haupttman Batt Fleckenstein

nottwendig mitt bitte ime die durch unseren statt schriber nach form

des rechttens uff und inn zu nemen und gschriffttlichen zu über-

anttwurtten. Welches wyer ime zu fürderung der warheitt gern

zuo glasenn alls harnach volgett.

Her schultheis Hanns Knüwbueller redtt und bezügtt herum by

sinem gethanen eidtt es habe sich begeben das alls haupttmann Jost

Grebell zu Willisouw knecht angnomen habe er ime gselchafftt

gleistett, syer der stattschriber zuo Wyllisouw by ime gsin, da

haber er zügg den hauptmann gfragtt was er ime zuo soldtt gebe

da habe haupttman Jost gredtt er gebe ime ein hüpsche bsoldung und

er gebe ime all monatt achtzechen kronen und die bekleidung

hessen unnd manist guott stamptt mitt hünsch und dassert (?) under joppen

und wan der krieg sechst monatt were so welle ers innen ouch

alles gebenn und wan der krieg ein endtt habe so welle er

innen die bekleidung auch alle geben. Daruff er her zügg geredt

das ist ein hüpsche bsoldung, daruff der haupttman ime geantwurtt

es rüwtt mich nitt es gar guotte spillüt und wie ich mine

drabantten haltten allso will ich sy ouch haltten mitt der

kleidung. Witter wüsse er nütt.

(2)

Joseph Pfiffer statt schriber zuo Wyllisow zügtt glicher gstaltt alls herr schultheis

Knüwbueller, denn der houpttman habe ime zuo züg er zuo ime bschicktt

das er ime mitt denn knechten helffe, witter müs er nitt.

Hanns Knüwbueller der metzger zügtt harum by sinem gethanen eidtt

das er züg sye darin gsin alls houptman Jost Grebell dem Battenn

und sin gspanen dingett habe da habe er ime dingett umb xviii kr

minder ein dicken, darbi die bekleidung hosen und wamist guffett (?)

darunder und hieli geredtt wann der krieg vi monatt were so welle

er innen die kleidung ouch geben desglichen wen der kriegg ein

eindtt habe welle er si aber kleiden wie sine drabantten das

habe houpttmann Jost inen versprochen darbi sins ouch erliche lütt

gsin syendtt, witter wüsse er nitt.

unnd der zuo warer zügnüs gehann ich Adam Wyer der zitt schultheis

zuo Wyllisouw ime diseren brieff mitt minem eignen uffgettruckten

etc....