Allsdann mgh nächster tagen Jost Zingken und Hans Jacoben

Schärer von Meggen uff ir demüettig bitt, dass recht wegen irer

abgesprochnen besoldung widerumb uffgethan, sind sy uff hüt wide-

rumb vor mgh erschinen. Und nach dem mgh all ir fürbringen

sampt den gestelten mundtlichen und gschrifftlichen khundtschafften verhört

und durch dieselbigen befunden, dass die hauptlütt den knechten etwas

ursach zu unwillen gsin, wyl sy inen so wenig gelt und dasselbig

thürer dann andere geben, auch sy den Zingken und Schärer wider

iren willen geurloubt und weg geschickt. Und dann nit kundtbar worden

dass der Zingk und Schärer uffwigler under den knechten gsin syent, so ha-

bent mgh erkent, dass die hauptlütt inen ire besoldung bezalen

söllent, und sy iren kosten an inen selbs haben.