1596 (125)

Montags nach Leodegari A° 1596 ist

Jost Thürler von Horw von wegen dz

er wider M G H ordnung in verschinnem

Piemonteschischen zug under frombden houpt-

lüten und sonderlich dem hugenottischen

schloss Priggoras gediennet in M G H

gefangenschafft khommen.

Zeigt ann er sye nit mit den fendlinen in

Piedmont zogen, sonder nach dem sy schon

ein zyt lang im feldt gsin un er

von Rom do er ein iar in der gwardi

gsin gan Meylandt khommen und allda

sye er von H Ambrosy doselbs zuo

herren oberst Lussin mit brieffen abge-

vertiget worden, und habe herr Ambrosy

ime ein schriben an Oberst Lussy dz er

ime wölle dienst geben gemacht, do

er nun zu H oberst khommen und er 6

cronen uff ein halbparten gevorderet habendt

sy biss ann einen dicken mit einandern zeer

schlagen. hernach habe in houptman

Meyer von Fryburg umb 6 cronen angen-

nommen, under dem ein berner ine

beredt, dz er und noch 2 ander ihro eine

gan Carnobeltz züchen wöllen und alss

mit ihnnen doch ohne urloub vom houptman

zwo tagreiss lang ins Delphinat hindern

zogen aber nit gan Carnobeltz khomen nit

mögen sonder doselbst von dess Cigwy (?)

dinern volch gfangen und widerumb fürhin

gan Peiggorrs wider ihren willen zu

diennen gefüert worden, hernach so baldt

er khönnen sye er ouch von Peiggorrs

(2)

ins schwytzerisch lager unnd in dannen

gan Meylandt zogen allda er herren

oberst von Hertenstein angestroffen

zu dem er hernach ins Niderlandt ge-

dinget.

B M G H

umb gnad.

Zinstags darnach ist Jost Thürler abermalen

ernstlich erduret worden

Blypt by vorigen antwort khanne woll

erkhennen dz er an dem gfelt dz er ohne

passporten von houptman Meyer zogen sonst

syent die sachen mit Peiggoras nit anderst

gangen er habe ouch niemand uffgewiglet

oder beschriben Bitt M G H wöllendt

ime angesechen syn armut und kinder in

gnaden scheiden.

[andere Hand:] Diser handel ist ussgemacht lutt

raathsbuchs follio 175./.