Uff disen tag ist erkhennt von wegen des gwaschgoinschen

geltz so hinder mine herren gelegt worden, wie dan

vogt Zey dasselbig abermaln von der zehrung der

knechten wegen erfordert, dz dem herrn landaman

Reding anzeigt werde, wan er all andern etwz rechts

an disem gelt zehaben vermeinen, das recht innerthalb

montas frist, ludt unser h und ober ruoffs

und erkhantnus, desswegen üeben und bruchen

söllent, dan nach verloffnung ermellten zilg, wann

hinzwüschent mit recht nüt erfordert noch erhallten

mine h dem vogt Zeyen dasselbig wellent

wie sich sinen ansprach verglychen möchte, usshin geben

mit dem vorbhallt, wan hernach etliche es syent

kriegsknecht old anders, vermeinen besser recht

darzu zhaben er inen schuldig sye hier umb am

rechten antwurt gebe.