Uf den tag sindt ouch vor minen herren erschinen

ettliche der gaschgungischen houptlütten und

andern so ansprach an die selbige zalungen

und das gelt handt so letstlich hinder her

aman Reding khomen unnd begertt inen

solches und niemandt anderst erfolgen solle

daruf her aman Reding antwurttet dass

ehr mine herren vor uss uss dem zalt wass

sy den kriegslüten glent dass habe man

ime abgefordertt. Also uf sölches handt

sich mine herren erkhent, dass man sich nit

zu erinneren wüsse dass ime dass gelt

abgefordertt sye, sonders wyl ehr inen solches

geben habe man so gnomen unangesechen

wo har ehr solches genomen wüssendt sich

ouch wol zu erinneren dass solches gelt

nit den houptlütten sonders dem h aman

Reding sige glent worden unnd

(2)

unnd darum wan die knecht sampt den andern

so vermeinendt daran ansparch zu haben güttigklichen

abstandt mögendt mine herren solches wol liden wo

aber dass nitt so sölle der h aman inen byllichen

dess rechten sin.