Uff hütt sind vor M.G.H. erschinen Bläsi Steiner und Uli Lindegger und fürbracht

wie sy veschiner iaren im niderlendischen zug under h hauptman Schürpffen ge-

dienet, und aber [nit verstendig (?) sye dann] sich auch durch die unrüewigen uffwigler überreden lassen, dz sy

one erlauptnus ires h hauptmans und one syn passportten heimzogen, wölliches

nun inen an eeren schädlich und fürzüglich syn wölle. Derhalben wyl sy nit uss bos-

heit sonder uss unverstand wyl sy vor nie in kriegen gsin, und uss anstifften anderer

in disen fäler gefallen, so bättent sy M.G.H. gantz underthänig und demüettig, inen

sölliches in gnädige verzyhung zestellen. Also uff sölliche ire bitt und empfangne

bericht h hauptman Schürpffen, habent M.G.H. sy inen zu einer warnung, und

damitt sy sic hin künfftigen desto besser zehalten habent, in gefengknus bis morn ze abendt

leggen lassen, und hiemit inen söllichen fäler verzigen, dass diss inen an eeren un-

schädlich sye.