Alls dann der houbtmansch(t) in Piedtmont halber

so houptman Clossen, demnach Batten Gollder zuogstellt aber

hoptman Closs houptman syn will. Ist erkennt, das

vogt Clossen anzeigt werden soll, sonerr unnd er in Piedt-

mont houbtman syn will, soll er selbst personlich alls

sych gebürdt dienen, wo er aber nit selbst dienen will

so werden min g h inen gfellen die iren mit ein

houbtman versächen. Sodann vogt Closs minen

g h antwordt gen, das ers selbs thuon unnd dienen

welle, doch vorbhallten hann, so erst er dchein kriegsman

syn wol heim faren mogen, doch nit ein andren

dienst für diesen annemen, sonder diewill er kriegen

welle er dise houbtmansch(t) versechen.