Auf disen tag ist Juncker Caspar Zollikofer

vor minen herren erschinen von S. Gallen

ein müetlich von schriftlich fürtrag und

gytt (?) gethan wegen ihrer suma geltz so ehr und

sinen bruder den gaschgongischen houptlütten

Hering Betschert, Stedeli und Lindouwer

zu Lyon gelichen in ihr höchsten nötten

dass man sy ietzundt in diser glegenheit

dass gelt uss Franckrich khomen sol sy vor

anderen kriegs lütten und denen so rastze-

del handt mögendt zalte werden um zins

und houptgutt uf solchess handt mine herren

erkehnt dass byllich inen solle dass houpt-

gutt und byllicher zimlicher zinss vor-

dannen volgen und inen in namen sinen

und siner mithaften fründtlicher dancken

der bewisenen trüwen diensten.