Uff hütt habent MGH für sich stellen lassen, iren rhaatsfründ

Casparen Krumholtzen, von wegen etwas grober unbescheidner worten

unb fluchung so er über h stattfendrich Cloosen säligen, wegen der

saffoyschen pündtnus, verschiner tagen in trunckner wyss uss-

gossen, und diewyl MGH nit funden, dass einiche schaltwort

vergangen, er auch bekent, ime sölliches von hertzen und in thrüwen

leid, so auch inne der trunck nit so gar überrungen, wäre es gwüsslich

nit beschehen. Und was h stattfendrich Cloosen säligen und den synen

wüsse er nützit anders, dann alle eeren liebs und gutts, alls

von eerlichen redlichen herren, die sy syent. So habent MGH erkent

fendrich Cloosen säligen und den synigen, an iren gutten glimpff

und eeren nützit schaden, sonder der h sälig und die synen eerlich

und wol verantwortet sye.