So dann diser gwallt allein von wegen

des französischen geltz so houpt Kalchoffner

vom h ambassadoren empfangen, angesechen

worden, zu berathschlagen ob dasselbige sonder

baar lüt zuo empfachen old es die landtlüt

zuo iren handen nemen, oder aber man es

bieden h houptman Reding und Kalchhoffnern

die es empfangen widerumb zuo stellen welle.

Allso habent unsere h und obern nach ver-

hörung irer pitt, und mit unfüegcklichen

verantwurtung, wie ouch der h ambassadorn

schrifftlichen bericht, und desswegen uffgenom-

en khundtschafften, ermelten beiden herren

sollich gellt ohne alle entgellnus widerumb

zuo gestellt, iedoch dz sy den kosten so dess

wegen uffgangen minen herren widerumb

ablegen und guot machen söllen.