Unsern fründtlichen gruss...

...Mier sindt, durch unseren lieben undt

gethrüwen mitrhat Casparn Steffen, wysern

diss mit etwas verwunderung undt billchen

beduren verstendiget, was massen der

üwer Burger m m Ysenkrämers, üch unbe-

gründter wyss fürgeben, als solten wier

ime, sin ansprach an denn ouch gwesenen

unsern h Adrian Khuonen ohne vorbe-

halt, zubekhendt undt uff den französischen

contract schlusslichen gewisen haben darumb

dan, gemelter unser Steffen, by üch, so

verschinen iars, so ouch nechst verschiner

tagen uff gemeltes Isenkrämers für-

geben, uffgehalten, undt starckh verdacht

worden, desswegen wier üch uff

sin ansuchen bester eydtgnossischer wol-

meinung grundtlichen zuberichten, nit

underlassen wellen, dann als ge-

melter Khuon selig mit grossen, undt

schwehren schulden beladen abgelybet,

sindt die ansprecher vor uns erschinen

undt bezalung begert, habenddt wier

inen tag angesetzt, den vorgang undt

(2)

billikheit idesse ansprechers rechtlichen

zeerkhennen, undt wyl die beste ver-

lassenschafft an dem frantzösischen

contract gesin (ussert den specificerten

underpfanden, aber selbige langsam

gevolget, habendt wier selbigen tag

nochmahlen ingestellt, undt dem

unseren landts sekhelmeister Schmidt

anbefholen, uff gmelten contract wass

zeempfahen, undt hinder recht

biss zu usstrag hinder ime behalten

der aber verschinen iars den ouch unsern

lütinambt Megnet hierzu substituiert

welches, was empfangen undt alhar

gebracht hat, in massen dass Caspar

Steffen sölch geltt nit ingenomen,

noch weniger in sinem gwalt ghan,

da von was versprechungen zethuon,

undt sindt wier gsinnet fürderlichen

den gemeinen ansprechern ein rechts

tag (im fhal sy sich nit sonsten verglychen

wurden) anzusetzen, iedem guott eidt-

gnossisch recht ergehen zelassen. Ist

uns also, dass anglegte arrest, undt

was sonsten, mit dem unsern Steffen

uff dess uweren Ysenkhremers fürgeben

(3)

by üch fürgnomen worden, gantz frembdt

undt beschwehrlich fürgefallen, dann

ob glych wol arrest by uns möchtendt

verwillget sin, ist es doch iederzitt

anderer gstallt beschehen. Belangt

derhalben unser gantz fründtlich

eydtgnossisch begeren an üch, ir ge-

melten Steffen dess ortts für ehr-

lich und wol verandtwurt haben,

dass anglegte arrest uffheben, undt

den üweren Isenkrämer umb sin

ansprach alhar wysen, uff dem

gmeinen rechtstag, so, wie ob, an-

gsetzt wirdt werden, unser recht-

licher erkhandtnus zugewarten, die-

wyl alles ingezogen, undt zuzühende

geltt hinder recht glegt worden.

Wie ir dan bschaffenheit diss handels

von dem unseren lieben undt gethrüwen

alt landtaman Peter Gysler [als sin Steffens

verordneten bystandt] wytlöuffi-

geren bericht habend zuempfahen. Uff

den wier uns dan thundt reflecieren

üch undt den üweren sonsten alle

...