Unser fründtlich, willig dienst...

...Wir sind von den unseren lieben

unnd gethrüwen, gemeinen, dumenischen houpt-

lüten gebrichtet, wie dass sy von üwerem, mitrath

herren obristen Ruodulf Pfiffer, etwas gelts zu

endtpfachen, in die statt Luocern beschriben. Nun habend

sy verstanden, wie dass inen von ernampten irem

obristen, ein gross und ohnlidlicher costen, abgezogen,

und von disem gelt, söllte inbehalten werden,

wellicher aber one iren schuld, oder ursach, unnd allein

von dess wegen uffgangen, dass man inen uff die ver-

sprochnen termin nüt gehalten, sonder sy mit irem

grossen schaden uffgezogen, unnd dess iren lang usliegen

müössen. Da doch irem obristen, wie sy bricth ab dem

also sin solten, ein theyll der uffgangnen rüstungen söllend erlegt sin,

unnd andere obristen, so ebenmässig, nebendt ime

herren obristen Pfiffer, gewessen, sollichen costen,

zu erforderen an andere orth gewissen, unns

gegen üch UGLAE durch diss unser intertession

schriben verhilfflich zesin, dass sy diss costens so inen üwer

mitrath herr obrister Pfyffer erforderen möcht, uberhept

verbliben mögend, unnd dem üweren durch üwer

oberkheidtlich ansechen, verhelffen, dass er diss costens an

anderen orthen, alls ander sin nebendt obrister, ergentzt,

umede (?), unnd dess inkhomen. Wan dan wir die useren

ires fürbringen und pits angehört, unnd man inen wyth-

löuffiger alle beschaffenheidt diser sachen verstanden. So

gelanget an üch unser GLAE, unser gantz fründtlich

piten, ir wellend den unseren verholffen sin, und geen

den üweren herren obristen Pfiffer verfelffen und ver-

schaffen, dass er die unseren uss obvermelten ursachen,

dess costens erlassen, unnd ime den costen, an anderen orthen

widerumb zu erhallen, üwer oberkheidt befürderung be-

wyssen

(2)

und üh unserem guten verthruwen nach, den unseren,

so befürdersam erzeigen, dass sy gespüren und

unns vüomen (?) mögend, dass sy dis unser fürschribens,

unnd üwer hilff gnossen habend, dass begerend,

wir umb üch unser GLAE von der unseren wegen,

fründtlich und eydtgnössisch zuverdienen,...

Landamman und Rath

zu Glarus